Онесвестен маж пронајден покрај патот во Штип- итно префрлен во болница
Во близина на штипската депонија, пронајден повреден маж покрај трактор.
Од Мвр соопштуваат дека вчера во 13,00 часот во СВР-Штип телефонски било пријавено дека на патот Бања Кежовоца–депонија Штип, кај место викано„Трештена скала“ има повредено лице во близина на трактор.
-На местото на настанот излегле полициски службеници од СВР-Штип и во присуство на Јавен обвинител бил извршен увид, при што било констатирано дека истиот ден околу 12 часот и 50 минути, 52- годишниот С.К од Штип управувал трактор во насока Бања Кежовоца–депонија Штип, при што истиот најверојатно паднал од тракторот- се вели во соопштението од полицијата
Од екипата од Итна медицинска помош С.К. во неконтактибилна состојба бил пренесен во КБ-Штип, каде му биле констатирани телесни повреди. По укажаната медицинска помош, истиот иако е вон животна опасност, бил задржан за понатамошно следење и лекување.
Поради неконтактибилноста на повреденото лице, не може да се утврди под какви околности настанала повредата.
Се работи на целосно расчистување на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа