Џафери: Патните трошоци ќе се решат со службени станови или кирии во Скопје
Собранието ќе набави четири нови возила, а средствата за тоа се предвидени со новиот буџет, најави на денешниот брифинг со новинарите, претседателот на парламентот, Талат Џафери.
„Голф 2 и пик-ап. Тоа се двете единствени возила на Собранието. Ако тоа треба да биде лицето на Собранието, тогаш сликајте го“, рече Џафери.
За намалувањето на патните трошоци една од опциите е пратениците кои се надвор од Скопје да добијат службени станови.
„Во однос на патните трошоци, од инсистутот го добив извештајот, ќе ги видам пресметките. Една од варијантите е пратениците кои се надвор од Скопје, односно патуваат повеќе од 50 километри да добијат службени станови или пак да им се плаќаат кирии“, вели Џафери.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
