Денеска дожд и снег - од утре температури несвојствени за јануари
Денеска времето во Македонија во утринските и попладневните часови ќе биде одбележано со врнежи кои ќе бидат претежно од снег и кои ќе бидат пообилни на југозапад. Врнежите од снег повремено ќе засилуваат на одредени места.
Од утре во поголем дел од државата ќе биде стабилно и суво, а дневните температури ќе бидат над просекот за овој период од годината што ќе предизвика топење на снежната покривка.
Дневните температури утре ќе достигнат максимум до 13-тиот степен.
УХРМ информира дека најсончево ќе биде во сабота, а во недела ќе има умерена до значителна облачност.
По котлините, вклучувајќи ја и Скопската, ќе има магла и ниска облачност, особено во недела. Дневната температура во овие места ќе остане пониска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа