Се огласи и Лука Дончиќ: Со само еден збор го опиша вчерашното лудило

Германците тргнаа во напад и на 14 секунди до крај постигнаа гол за 24:24, но Словенците возвратија со екстра брзо изведување и на 7 секунди до крај дадоа гол кој навидум личеше на победа.

И додека сите мислевме дека е крај на мечот, судиите прегледуваа видео снимка. Режијата во преносот постојано враќаше забавена снимка од начинот на кој Словенците го изведоа последниот напад. Но таму сè било чисто, а спорниот момент бил всушност следниот напад.

На Германците им преостана две-три секунди за напад, што е кусо време за ново израмнување и токму во тој момент Благотиншек ги попречи да изведат брз центар.

По сето тоа, очекувано, настана и хаос по социјалните мрежи главно со обвинувања за ЕХФ и судиската двојка… Рамнодушен не можеше да остане и најдобриот словенечки кошаркар, младиот Лука Дончиќ кој беше разочаран од случувањата во „Арена“, па кратко напиша на својот Твитер профил:

„СРАМОТА“.

Видео снимките кои се појавија на социјалните мрежи јасно покажуваат дека судиите биле во право и ги почитувале новите правила според кои му доделија црвен картон на Благотиншек.

Словенечкиот ракометар непромислено се обиде да го блокира ударот од центар на противникот, при тоа беше влезен во кругот и со тоа и ја „одзема“ победата на својата репрезентација.

Имено, според новите правила, доколку во последните 30 секунди се спречи брз центар се доделува црвен картон и се досудува пенал.