По барање на Мицкоски нема да се оди во Жан Моне – меѓу партискиот дијалог се сели во Охрид
Процесот „Жан Моне“ од Париз се сели на македонска територија. По заложби на претседателот на ВМРО-ДПМНЕ, како што дознава „Алфа“ од дипломатски извори процесот за меѓупартиски парламентарен дијалог нема да се одвива во куќата на Жан Моне, туку во Охрид. Предмет на разговорите не е промената на името, туку меѓупартиски парламентарен дијалог.
Неофицијално Алфа дознава дека европратениците изразиле загриженост за случувањата во законодавниот дом и бројните апсења на пратениците, но сепак официјално не коментираат за внатрешно политичката состојба.
Ваквата промена на мегународен план и подобрување на позициите на Република Македонија доаѓа по меѓународната офанзива на претседателот на ВМРО-ДПМНЕ, Христијан Мицкоски, во Брисел, каде се сретна со врвот на ЕУ и ЕПП, но и самите европратеници, Кукан, Вајгл и Флекенштајн. Вашингтон каде оствари средби со високи претставници на администрацијата на Трамп, но и други фондации и тинк-тенк организации.
Средбите според европратениците Кукан и Вајгл најверојатно ќе започнат веќе следниот месец. Известувачот за Македонија во ЕП Иво Вајгл – оптимист е дека е возможен нормален демократски дијалог меѓу двете најголеми политички партии. Ја повика опозицијата да се вклучи во работата на законодавниот дом за доброто на државата и таму да се носат заклучоците.
– Верувам дека е возможен нормален демократски дијалог во парламентот. Одлуките и заклучоците ќе се донесат во Собранието. Власта и опозицијата треба да работат заедно за доброто на државата. Без политички дијалог меѓу нив, нема европска иднина за Македонија, вели Вајгл.
Европратеникот Кукан, пак, порача дека за иднината на Македонија и нејзиното членство во ЕУ и НАТО, потребен е дијалог помеѓу партиите. Негира дека на средбите како дел од процесот „Жан Моне“ ќе се разговарало за спорот за името.
– Во дијалогот Жан Моне нема да зборуваме за прашањето за името. Никогаш не сме зборувале за тоа. Ќе говориме за дијалогот меѓу парламентарните политички партии. Нашата цел е култивирање на политичкиот дијалог и на компромисот“, вели европратеникот Кукан.
Иако моментално опозицијата не учествува во работата на Собраните, неколку пратеници на ВМРО-ДПМНЕ денеска учествуваа на Конференцијата на комисиите за европски прашања од Западен Балкан како позитивен знак дека ја поддржуваат европската агенда.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа