Додека газдите биле на Младенци, крадците ги „олесниле“ за 250.000 денари

 Кражба на 3.300 евра, пиштол и ловна пушка била пријавена ноќеска околу 01.25 часот во Полициска станица од општа надлежност Кавадарци. 

- Според пријавата, кражбата се случила во периодот од 20 часот до пред моментот на пријавувањето. Со употреба на метален предмет било влезено во куќа, во која била причинета материјална штета од околу 250 илјади денари,  информираат за МИА од МВР. 

Неофицијално, домаќините биле на прослава на Младенци, додека била извршена кражбата во нивната куќа.