Гостиварчанец се скарал со родителите па ги претепал- со тупаници ги удирал по главата

Утринава  во 02 часот и 15 минути 61- годишниот Џ.М од Гостивар пријавил семејно насилство што го извршил неговиот син Х.М.(30).

Х.М. најпрво започнал вербално да се расправа со неговиот татко, а потоа физички ги нападнал своите родители, повеќе пати удирајќи ги со тупаници по главите и телата. 

Набрзо по пријавувањето, Х.М. бил приведен и задржан во Полициската станица Гостивар.

Се работи на целосно расчистување на случајот.