Заев: Сме и остануваме Македонци

 Го информиравме и Претседателот на државата, го информиравме сите политички партии и пратенички групи, го информиравме и господинот Мухиќ. Сите ги информиравме. Тој пред нас ја изнесе својата дилема. Рече дека е негов став ова. Но и тоа е демократија. Тоа не не убива. Јас можам да дебатирам со него со факти. Ние го почитуваме неговото мислење, рече премиерот Заев околу ставот на пратеникот Ферид Мухиќ и недавањето поддршка за договорот со Грција во вечерашното гостување во 1ТВ.

– Но, не е во право, стојам заедно со премиерот Алексис Ципрас и зборувам за Македонци , Грци и европејци, зборувам за нашите општества. Идентитетот е потврден и прифатен. Прашањето беше дискутабилно за Македонците и Грците. Не за другите. Јас сум им благодарен на сите националности што не подржаа. Никој не ги спори Албанците, Србите, Бошњаците, Власите…. во Македонија. До сега проблематично беше прашањето за Македонците – Конечно имаме мултуиетничка земја во која што се признаени сите ентитети, истакна Заев.