Тетовчани измамени од штипјанка преку „Фејсбук“ за работа во Германија
Дваесет и двегодишната С.М. и 21-годишниот Ф.Ф. од Тетово, вчера пријавиле измама од женско лице од Штип, со кое се запознале преку социјалната мрежа „Фејсбук“ во март годинава и кое им ветило дека ќе им обезбеди тримесечна работа во Германија.
При тоа, штипјанката од нив побарала да и уплатат по 2700 денари и уште по 12300 денари за договорите за работа, а авионските билети сами да ги купат.
Пријавителите аплицирале и ги уплатиле средствата, откако наводно им биле одобрени апликациите, но непосредно пред да заминат во Германија, на 11-ти минатиот месец од пријавената добиле СМС-порака дека не ќе можат да заминат, а потоа не им се јавувала веќе, ниту им ги вратила уплатените средства. Од СВР Тетово велат дека работат на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа