Шестчлено семејство од Шведска доживеа сообраќајка на патот Охрид- Кичево
Вчера утрината околу 08:20 часот на магистралниот пат Охрид–Кичево, на крстосницата за село Ново Село-село Црвена Вода, патничко возило „Фолксваген“ со охридски регистарски ознаки, управувано од 37-годишниот А.Е. од Струга, во кое се превезувале А.С.З. (36), Џ.З. (32) и четири деца на возраст од 14, пет, три и една година, сите од Шведска, преминал на спротивната коловозна лента и удрил во патничко возило „Цитроен Ксантија“ со охридски регистарски ознаки, управувано од 34-годишниот Б.П. село Ново Село, општина Дебарца.
Во незгодата со тешки телесни повреди се здобиле возачот на возилото „Цитроен“-Б.П. и сопатничката во возилото „Фолксваген“ - А.С.З., додека со телесни повреди се здобило едногодишното дете.
Тие биле задржани на лекување во болницата „Св.Еразмо“. Увид на местото на настанот извршила екипа од СВР Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
