Ристовски: Како ќе одминува СП ќе бидеме подобри и подобри

Голманот на ракометната репрезентација на Македонија, Борко Ристовски по мечот со Јапонија (37-28) изјави дека противникот покажал брза игра и им предизвикал многу проблеми во одбраната, а победата била остварена потешко од тоа како изгледало на теренот.

– Јапонците ни правеа многу проблеми во одбраната, а повеќе од половина од головите ни ги дадоа од брз центар. Ги казнуваа грешките кои ни се повторија и од средбите со Србија. Победата е далеку потешка од тоа што изгледаше на теренот. Ова е прв натпревар, а како ќе одминува СП ќе бидеме подобри и подобри, изјави Борко по дуелот, кој на крајот забележа 20 одбрани.

Во однос на мечот со Бахреин, Ристовски изјави дека треба да бидеме внимателни, иако целата јавност очекува лесна победа.

– Не треба да не фаќа еуфорија и да се залажуваме од резултатите, одиме чекор по чекор. Да не дозволиме оваа висока победа да не понесе, додаде голманот на Македонија.

 

 

 

Добивајте вести на Viber

11.01.2019 - 18:29

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега