Силно невреме во Риека, поплавени се десетици објекти

Силно невреме проследено со обилни врнежи го погоди градот Риека околу 13 часот, предизвикувајќи брзи и обемни поплави на повеќе локации. Според снимки и фотографии испратени од читатели, водата буквално течела по улиците, а поплавени се и неколку деловни простории.

ХРТ Радио Ријека јави дека Камбијериева улица е целосно под вода, а слична ситуација е и во населбата Замет. Поплавен е и еден автобус на градското транспортно претпријатие „Аутотрољ“.

Раководителот на Хрватскиот хидрометеоролошки завод (DHMZ), Иван Гутлер, за телевизијата N1 изјави дека е на сила црвен метеоаларм за целото јадранско подрачје поради очекуваната количина врнежи.

„Можеме да очекуваме и над 100 литри дожд на квадратен метар во текот на денешниот ден. Вакви врнежи носат сериозен ризик од урбани поплави,“ рече Гутлер, додавајќи дека ситуацијата ќе се смирува како што невремето се движи од север кон југ.

Гутлер предупреди и на можни дополнителни екстремни појави:

„Не би нè изненадило ако на Јадранот се појават и пијавици, како и локализирани градови. Температурите се и понатаму надпросечни, што ја зголемува можноста за вакви појави.“

За утре се предвидува смирување на временските услови, со тоа што единствено подрачјето околу Дубровник останува под црвено предупредување.

Граѓаните се повикуваат на претпазливост, а службите се во готовност за брзи интервенции.