Оштетено детското игралиште во Кисела Вода

Од несовесни граѓани вчера е оштетено новото детско игралиште во урбаната заедница „11 Октомври“, соопшти Општина Кисела Вода.

Општина Кисела Вода најостро ги осудува сторителите на ваквото дело и ги повикува граѓаните доколку забележат дека некој врши оштетување на јавните добра, урбана опрема, детски и спортски игралишта, веднаш да пријават во полиција.

– Да ги чуваме детските игралишта за да имаат каде да си играат, да се радуваат, да се развиваат и да се дружат дечињата, се наведува во соопштението од Општина Кисела Вода.