Костовски кон Ковачки: Ние сме дел од НАТО, ќе станеме дел и од ЕУ, вие сте заглавени со Ванчо Михајлов
Пратеникот на СДСМ, Мартин Костовски на денешната собраниска седница, во реплика кон пратеникот Драган Ковачки од ВМРО-ДПМНЕ кажа дека Македонија е дел од НАТО, а ќе стане дел и од ЕУ, додека ВМРО-ДПМНЕ е заглавена со Ванчо Михајлов.
Откако во ВМРО-ДПМНЕ станавте медари и се скаравте околу медот кој чини прилично многу, околу 136 милиони евра, вам ви падна улогата да ја манипулирате јавноста за премиерот Ковачевски, да дефокусирате, а при тоа да браните нешто што не се брани, вели Костовски.
„Зборувавте за предавство, но некакви купопродажни договори постојат само во вашите глави. Македонецот денеска е горд, македонскиот јазик се изучува секаде во Европа. Се изучува во Грција а од вчера се отвори можност да се изучува и во Италија. Ние сме дел од НАТО, ќе станеме дел од ЕУ, меѓутоа за жал вие сте заглавени со Ванчо Михајлов чиј континуитет сте како партија“ посочи Костовски.
Костовски порача дека ВМРО-ДПМНЕ ја злоупотребува собраниската седница на најгруб начин да лаже и оцрнува.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
