Петров: Ситуацијата во земјава не е погодна за избори, Владата има солидна поддршка
Членот на Извршниот одбор на СДСМ, Андреј Петров вели дека овој период сега не е погоден за избори. Тој во гостувањето на „Утринска на Телма“ рече дека државата се соочува со бројни проблеми, а изборите нема да ги решат.
-Владата ќе ја поддржат од сите партии во коалицијата, 64 пратеници, што е солдина поддршка,вели Петров.
Рече дека досега сме имале влади кои функционирале и со минимално мнозинство и додаде дека предлогот за гласање за новата влада ќе биде доставен до Собранието наредната недела.
-Не можам да зборувам за кадровските решенија, но она што знам е дека се прави напор да се вклучат квалитетни луѓе од СДСМ и да се покаже капацитет пред граѓаните, кажа Петров и додаде дека тој уште при првиот разговор со Ковачевски за неговиот ангажам истакнал дека тоа не подразбира и влез во Владата.
Како што кажа Петров, Ковачевски разговара со сите членови на партијата и работи да ги интегрира сите, без разлика на различните ставови по одредени прашања.
-Од негова страна има волја и енергија, но тоа не е еднонасочна улица, треба да се смета и на мислењето и на тие од другата страна. Сепак, кај него гледам желба да ги вклучи сите, кажа Петров.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа