По добивањето на резултатите од скринингот на 210 работници светиниколската конфекција „Мода“ ги затвори погоните

Светиниколската фабрика „Мода“ го затвара погонот по добивањето на резултатите од скринингот на 210 работници, информира градоначалникот на Општина Свети Нилоле, Сашо Велковски.

-Врз основа на новодобиените информации за бројот на заболени од КОВИД-19 и препораките од Министерството за здравство и Кризниот штаб на Општина Свети Николе, менаџментот на фабриката Мода АД и Камотекс ДООЕЛ одлучи, од денес 10 јули, петок да се затворат погоните на фабриките со цел намалување на ризиците од ширење на коронавирусот во истите во наредните денови, вели Велковски.

Велковски е информиран дека сите 830 вработени ќе бидат подложени на скрининг тест со цел утврдување на точната бројка на број на заболени лица и секако спречување на ширење на заразата.

Вкупната бројка до денеска на заболени од Ковид-19 во Свети Николе е 79 лица,

-И понатаму апелирам до сите граѓани, да се придржуваат на мерките и препораките на Министерството за здравство и Владата за соодветна заштита од коронавирусот, вели Велковски. 

 

 

 

Добивајте вести на Viber

10.07.2020 - 12:51

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега