СДСМ: ВМРО-ДПМНЕ треба да се извини за поткопувањето на државните позиции, а одговорност да бара од Мицкоски
СДСМ побара извинување од ВМРО-ДПМНЕ затоа што ги поткопувале државните интереси.
„Додека СДСМ ги заштитува државните и националните интереси, во решавањето на прашањата со Бугарија, не се отстапува од црвените линии кои се дефинирани со Резолуцијата усвоена во Собранието, ВМРО-ДПМНЕ се однесува крајно неодговорно и штетно.
Во период важен за евроинтеграцискиот процес на државата, Мицкоски и ВМРО-ДПМНЕ ги поткопуваа државните позиции, поддржаа Резолуција со ставови на Бугарија, ширеа лажни вести и деструкции.
Од Белата палата ја плашеа јавноста со наводно распродавање на македонскиот јазик, македонскиот идентитет и историја, лажеа за некаква асимилација и бугаризација на државата.
Најмалку што може да направи ВМРО-ДПМНЕ е да им се извини на граѓаните за поткопувањето на државните позиции, а одговорност да бара од Христијан Мицкоски“, велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа