ВМРО-ДПМНЕ: Владата сака договорени проценти
Пописот во Македонија започнува на 1-ви април. До тогаш може да се поднесе закон за поништување на Законот за попис, но сепак СДСМ -ДУИ пак ќе го изгласаат по брза постапка и пописот во Република Македонија ќе започне, велат од ВМРО-ДПМНЕ.
-А, секојдневно вртоглаво растат бројките на заразени од вирусот КОВИД-19, а се уште нема вакцини ниту за граѓаните, ниту за попишувачите од СДСМ. И поради ваквата ситуација логично е да се бара одложување на пописот, но Владата за жал не ја интересираат жртви. Владата е насочена единствено кон договорени проценти. Повикот на претседателот на ВМРО-ДПМНЕ, Христијан Мицкоски се однесува на регистрирање на државјанства, тие не влагаат во резидентно население и нема потреба од нивно регистрирање при попис. Од тука неспособната и лажлива власт манипулира со населението и создава хаос во државата. Единствен начин да се делегитимира овој процес и да се прикаже манипулативноста на Владата е да се попишат сите државјани на Република Македонија, тогаш ќе има неколку милиони државјани, а за резидентно население ќе се има договор, се вели во дописот од опозициската партија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа