Атланта и Голден Стејт стигнаа до 50.победа
Атланта и Голден Стејт се првите екипи кои сезонава стигнаа до 50-тата победа во НБА лигата.
„Јастребите“ го декласираа Сакраменто со 130:105, а најзаслужни за победата беа Корвер и Керол кои уфрлија по 20 поени. Одличен беше и Џеф Тиг кој натпреварот го заврши со 18 постигнати поени, 5 скокови и 13 асистенции, додека Ал Хорфорд запиша 18.
Македонскиот центар Перо Антиќ не доби шанса за настап на овој натпревар.
За Сакраменто Руди Геј уфрли 23 поени, Казинс имаше дабл-дабл од 12 поени и 14 скокови, додека Реј Мекалум запиша 15 коша.
Најзаслужен за 50-тата победа на Голден Стејт против Феникс од 98:80 беше Стеф Кари кој одигра уште еден одличен натпревар постигнувајќи 36 поени, 6 скокови и 5 асистенции, а 25 поени постигна во второто полувреме.
Одличен беше и Клеј Томпсон со 25 поени, а Дрејмонд Грин имаше 11 поени и 10 скокови. Кај поразениот тим се истакнаа Ерик Бледсо со 19 поени и Брендон Најт со 13.
НБА резултати:
ЛА Клиперс – Минесота 89:76
Феникс – Голден Стејт 80:98
Денвер – Њујорк 106:78
Мајами – Бостон 90:100
Атланта – Сакраменто 130:105
Милвоки – Њу Орлеанс 103:114
Чикаго – Мемфис 91:101
Шарлот – Вшингтон 69:95
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа