Тркалезна маса за квалитетот во истражувањата во општествените науки
Тркалезна маса за квалитетот во истражувањата во општествените науки и спречувањето на „одливот на мозоци“ од Република Македонија - научени лекции и идни предизвици, ќе се одржи денеска во Скопје.
Настанот е во организација на Институтот за стратешки истражувања и едукација – ИСИЕ, во партнерство со Правниот факултет „Јустинијан Први“ - Скопје и Швајцарскиот центар за експертиза во општествените науки од Лозана и на него ќе присуствува Мајкл Окснер, виш истражувач на Швајцарскиот центар за експертиза во општествените науки од Лозана.
Во рамки на настанот ќе бидат презентирани и резултатите од две истражувања спроведени во текот на 2017 година поврзани со квалитетот на истражувањата и одливот на мозоци во општествените науки во Македонија.
Настанот, како што информираат организаторите, е наменет за истражувачи, универзитетски професори и истражувачи во областа на општествените науки и е замислен како форум преку кој сите заинтересирани страни би ги презентирале своите ставови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа