Сонце, дожд и грмежи - еве какво време не очекува утре
Времето утре во Македонија ќе биде сончево и топло со мала до умерена облачност. Во крајните западни и источни планински предели ќе има услови за краткотрајни врнежи од дожд со ретки грмежи.
Утринската температура ќе се движи од 10 до 19, а дневната од 29 до 36 степени.
Во Скопје слично време. Утринската температура ќе се спушти до 16, а дневната ќе се искачи до 34 степени.
Во охридско-преспанскиот регион времето утре ќе биде сончево со умерена облачност и со умерен западен ветер. Температурата ќе достигне до 30 степени, а во дојранскиот сончево со максимална температура до 35 степени.
УВ-индексот ќе изнесува 7.
И во наредните денови ќе преовладува претежно стабилно и потопло време. Во деновите од викендот ќе има локална појава на краткотраен дожд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
