ВИДЕО: Слушнете ја песната со која Јоце Панов ќе се претстави на „Сунчане Скале“
Поп пејачот Јоце Панов конечно во етер ја пушти долгонајавуваната песна „Боли ме твој додир“ со која ќе настапи на реномираниот фестивал „Сунчане Скале 2013“.
Песната е авторско дело на Роберто Поп Димитров (музика и текст) и Миро Буљан (аранжман и продукција), а се снимаше во Загреб, Хрватска.
Јоце со своите видео записи досега ги промовираше убавините на нашата прекрасна Македонија, но сега, за прв пат, новата песна ќе добие видео запис со интересна приказна во форма на краток филм.
