Добри вести за ракометарката Робертина Мечевска

Состојбата на капитенот на женската ракометна репрезентација, Робертина Мечевска се подобрила и ракометарката на ЖРК Вардар не е повеќе во животна опасност. Како што пишува Утрински Весник, Мечевска се наоѓа во стабилна состојба, не е животно загрозена, во петок се планира хируршка интервенција, да се интервенира на лумбалниот дел од ’рбетот. Извадена е од респиратор, од машина за дишење, дише спонтано, свесна е, будна, без невролошки испади.

За потсетување, ракометарката пред две недели падна од петти кат во скопската населба Аеродром.По несреќата беше вклучена на апарати за дишење, поради набиениот граден кош и белите дробови.