Груевски: Се бориме со аргументи и факти - граѓаните ова го препознават девет години

Граѓаните нè познаваат кои сме и какви сме. Со нив сме речиси девет години, ги знаат нашите маани и нашите доблести. Граѓаните знаат што можеме и што не можеме да направиме.

Нашиот план е да се бориме против ова што и се случува на нашата држава, да се бориме со аргументи и факти, со нашето вистинско лице, а тоа е она кое граѓаните го познаваат сите овие години.

Ова на вчерашната прес конференција го истакна премиерот Никола Груевски.

Груевски додаде дека од секој граѓанин зависи колку ова ќе трае и колку ќе го окопира нивното внимание.

-Ние сме истите тие кои ги зголемуваат платите, пензии, и социјалната помош, кои трчаа по светот по инвеститори и придонесуваа за отворање на нови работни места, кои прават програми за самовработување, градат патишта, болници, кои инвестираат во здравството, сакаат да поправат нешто во образованието, истите кои даваат бесплатни учебници, нови автобуси, булевари. Ние сме истите тие кои работеа и се уште работат со полна пареа на реалните проблеми, со наша програма и ветувања зад кои стоиме. Мнозинството граѓани гласаа за нас во континуитет речиси двет години, посочи тој.

Груевски им порача на граѓаните дека важен е реалниот живот, реалните потреби на сите граѓани и кој може да одговори на тие потреби и кој може да понуди решение за проблемите на граѓаните.

-Кој може да обезбеди нови работи места. Ние работиме за граѓаните, деструкцијата и валканата кампања нека ја тераат тие и нека тонат во својата безидејност,  потенцираше премиерот Груевски.