Миле Кузмановски со планови за зимата среде лето

Фолк пејачот Миле Кузмановски кон крајот на годинава планира да сними нова песна, која доаѓа по промовирањето на неговиот шести албум насловен “Шприцер”, на кој имаше девет нови композиции и три бонус песни, пишува Вечер.

- Некаде околу Нова година планирам да ја изненадам публиката со нешто ново. Летово имам настапи низ Македонија, но главно го користам за да се одморам. Веќе бев на летување во Турција, а кон крајот на август можно е да заминам на уште еден одмор некаде низ нашата држава”, изјави фолкерот.