Страшно невреме: Дожд, грмотевици, поплави и блокирани патишта - две жртви во Албанија
Невремето во Албанија проследено со силен ветер и дожд предизивика поплави, недостиг на електрична енергија, оштетени мостови, блокирани патишта. Тоа денеска однесе и два човечки животи.
Во општина Лура, животот го загубило дваесет и седум годишно момче кое било однесено од големиот тек на вода во моментот кога чистело канал во ХЕЦ„Лура1“. Втората жртва е 49-годишен рибар кој настадал во невремето во пристанишниот град Шенѓин.
Многу подрачја се поплавени, под вода е пола Тирана а без електрична енергија голем дел од земјата. Под вода е и автопатот Тирана-Драч а отежнато,поради одрони се одвива и сообраќајот на автопатот Тирана-Елбасан-граничен премин Ќафасан. Поради невремето и немирното море од синоќа не испловил ни еден пловен објект. Во Драч потонал рибарски брод.
На поголемиот дел од патните правци има одрони од камен, земја и дрвја а посебно состојбата е критична на патниот правец Тирана-Бурел-граничен премин Блато, како и патишта во ридско планинските делови на земјата.
Министерот за внатрешни работи.Саимир Тахири, свика итна седница на кризниот штаб.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа