Ордановски веќе не е директор на АЕК
Роберт Орданоски не е повеќе директор на Агенцијата за електронски комуникации (АЕК).
Оваа информација, Орданоски ја објави на својот фејсбук-профил, на кој исто така наведува дека не е повеќе директор бидејќи не е реизбран.
– Директор во АЕК бев пет години, нема да останам да работам тука и не знам каде ќе ја продолжам професионалната кариера – изјави Орданоски за „Мета“.
На местото директор на Агенцијата, Орданоски дојде од „Ти-мобајл“, каде што работеше 10 години и беше директор на инженеринг.
Нов директор на АЕК е Владимир Ристевски.
30.11.2015 - 13:15
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа