Мигрант преживеа пекол во Демир Капија
На железничката станица во Демир Капија синоќа е нападнат и ограбен 26-годишен државјанин на Ирак од неколку непознати лица кои му одзеле еден мобилен телефон и 50 евра.
Инцидентот се случил околу 23:10 часот кога разбојниците физички со тупаници и клоци го нападнале К.Ф. додека спиел.
Полицијата денеска информира дека во присуство на родител извршен е разговор со едно лице на возраст од 16 години за кое постои сомневање дека е инволвирано во настанот. Се работи на утврдување на евентуално други лица.
По целосното расчистување и документирање на настанот полицијата најавува соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
