Фото: Првиот жител на Гази Баба во 2017 е бебето Даријан
Градоначалникот на општина Гази Баба Тони Трајковски и директорката на Клиниката за гинекологија и акушерство, при универзитетскиот клинички центар, Д-р Марија Хаџи Лега, ја посетија мајката и првото родено бебе, жители на општина Гази Баба во 2017 година.
Градоначалникот Трајковски на семејството Томовски од населбата Автокоманда им посака многу успешнa, среќнa и весела 2017 година, а на бебето многу здравје, убаво и безгрижно детство.
Првиот жител на Гази Баба е машко здраво бебе, Даријан Томовски, долго 51 сантиметар и тешко 3,150 килограми, од родителите Влатко Томовски и мајката која го донесе на свет Сашка Томовска.
Градоначалникот на семејството им подари по 20.000,00 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
