Тој е вистински медицински феномен - преживеал 27 инфаркти за еден ден

Реј Вудхал, 54-годишник од англискиот град Веднесбари, проживеал вистинска животна драма откако доживеал срцев удар играјќи фудбал со пријателите.

Но, вистинската борба почнала во болница каде за 24 часа доживеал 26 срцеви удари, а лекарите после секој се обидувале да го оживеат.

Медицинската сестра изјавила дека досега најмногу седум пати оживувала едно лице.

-Последниот удар беше најтежок. Сопругата ме држеше за рака и гледаше како умирам пред неа. Умирањето е како заминување на спиење, изјави Реј, инаку татко на 3 деца.

 

 

 

Неверојатно е што Реј прво одбил помош, а тогаш возачот на итната помош на пат до болница му објаснил дека доживеал срцев удар.

Повеќето удари во болницата биле меѓу 21 часот и 3 часот наутро, а се верувало дека нема да ја преживее ноќта.

За среќа лекарскиот тим одлично си ја извршил работата и чудесно го спаси практично изгубениот живот.

 

 

Реј ја пофали болницата и им се заблагодари на сите кои учествувале во спасувањето на неговиот живот.

Лекарите прогнозираа дека опоравувањето ќе трае половина година.