За повеќе од дваесет пати понизок водостојот на Вардар кај Јегуновце
Водостојот на Вардар кај Јегуновце денеска е за повеќе од дваесет пати понизок од вообичаениот за ноември, во Скопје нивото е за над три пати пониско, а во Велес и Демир Капија е речиси во рамките на повеќегодишниот просек за овој месец, информира Управата за хидрометеоролошки работи (УХМР).
Според податоците на УХМР, водостоите и на останатите реки во земјава се под просекот за ноември, особено на Црн Дрим кај Ложани каде нивото е за четири пати пониско од вообичаеното и на Треска во Македонски Брод со 3,5 пати понизок водостој.
Нивото на Охридското Езеро е за 11 сантиметри повисоко од дозволениот минимум, на Дојранското е за 2,5 метри повисоко, а на Преспанското за 23 сантиметри пониско од вообичаеното за ноември.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа