По најстуденото утро дожд, а тоа ќе предизвика „опасност" - бидете внимателни на улица

По дефинитивно најстудената ноќ и утро со минимални температури на воздухот од -18 до -8 степени а на високите планини и до околу -20 степени во текот на денешниот ден следува судир на ладниот и топлиот воздух кој ќе продре од јужните географски широчини.

Во текот на денешниот на запад најпрвин ќе започнат послаби врнежи од снег но како ќе продира топлиот воздух така и врнежите од снег на пониските места ќе поминуваат во врнежи од дожд.

Токму ова е многу опасна метеоролошка појава за граѓаните пешаци  како и за граѓаните кој возат автомобили па затоа бидете внимателни на лизгавото тло.

Максималните дневни температури денеска ќе се искачуваат во интервалот од -1 до 5 степени додека во петок од 4 до 10 степени.