(ФОТО) „Убијци на деца“: Досега невиден акт на вандализам врз градинка
Александар Стојкоски, градоначалникот на Општина Ѓорче Петров, на социјалните мрежи пред неколку минути информираше за вандализам, кој како што вели, досега бил невиден. Имено, вандализиран е објектот на детската градинка Росица, клон Детелинка, во УЗ Мирче Ацев.
Од фотографиите кои ги објави градоначалникот може да се забележат повеќе невкусни фрази испишани на ѕидовите од градинката. „Убијци на деца“, „СОНК УБИЈЦИ“ се само дел од нив.
„Досега невиден акт на вандализам
Вандализиран е објектот на детската градинка Росица, клон Детелинка, во УЗ Мирче Ацев. Пријавено е до надлежните институции и го повикувам Министерство за внатрешни работи, во најбрз можен рок да ги пронајде сторителите и соодветно да ги санкционира“, пишува градоначалникот Стојкоски на социјалната мрежа „Фејсбук“.
15.04.2022 - 09:48
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
