6.450 земјоделци аплицирале за субвенции во Кавадарци и Росоман

Заврши аплицирањето за земјоделски субвенции. Раководителот на подрачната единица на Министерство за земјоделство, шумарство и водостопанство, Зоран Шалев информираше дека 6.450 земјоделци од Кавадарци и Росоман aпликацираа за добивање субвенции со цел да обезбедат развој и поттикнување на своето производство.

- Ова е речиси на истото ниво од ланската бројка за субвенции во овие две општини. Поднесувањето годинава се карактеризираше по тоа што барањата се поднесуваа и по електронски пат, што е овозможено по претходното регистрирање на земјоделците со сите податоци за земјиштето и сопственоста, нешто што нашата подрачна едница го направи благовремено меѓу првите во земјата, вели Шалев.

Како што информираше Шалев, единствениот регистар на земјоделските стопанства и регистарот за идентификација и регистрација на домашни животни сега овозможува брзо и ефикасно евидентирање, проверка и други начини на комуникациија со сопственикот за било каква активност на Министерствотро за земјоделство, Агенцијата за поттикнување на развојот на земјоделството или друг законски субјект.

Шалев потсетува дека овоштарите и лозарите кои ќе подигаат нови насади имаат можност да аплицираат за поддршка од државата до крајот на овој месец.