Пристигнаа првите честитки од Брисел: „Ова беше историска можност и вие ја искористивте“ (ФОТО)

Оливер Вархеји, Урсула фон дер Лајен и Шарл Мишел на „Твитер“ ја поздравија денешната одлука на Собранието за заклучоците за францускиот предлог.

Еврокомесарот за проширување, Вархеји напиша дека го поздравува гласањето во Собранието, што на Владата и дава чист мандат за почеток на првата Меѓувладина конференција базирана на францускиот предлог.

-Ова беше историска можност и вие ја искористивте, пишува Фон дер Лајен.

Претседателот на Европскиот совет, Шарл Мишел порача дека денешното гласање го поплочува патот за одржување на Меѓувладина конференција идната недела.

-Ова е суштински чекор на земјата и за ЕУ. Нашата иднина е заедничка и ве чекаме со отворени раце, напиша Мишел на Твитер.