СДСМ: Пиштолџиите се дел од крвавото сценарио на Мицкоски, Ковачки и Таравари
СДСМ реагираше на претходното соопштение на ВМРО-ДПМНЕ и кажа дека ВМРО-ДПМНЕ и Алијансата на Албанците создавале крвави сценарија за меѓуетнички инциденти.
„Сите пиштолџии лица кои вперуваа и пукаа со пиштоли во Скопје се пронајдени и се санкционирани и сите до еден се или членови или блиски луѓе до структури на Алијанса.
Наместо да прави конструкции, ВМРО-ДПМНЕ да излезе и да каже Дали неуспешниот пироман и армиски дезертер Драган Ковачки е лицето за контакт од ВМРО-ДПМНЕ за ова неуспешно сценарио?
Зошто молчи Ковачки на прашањето дали ги координирал лицата со качулки пред Собранието и поранешни припадници на Армијата во насилното сценарио“, прашуваат од СДСМ.
Дали Арбер Таравари е лицето за контакт со структурите блиски до Алијанса во Скопје, бара одговор владеачката партија.
„Како што расте нервозата од неуспешното крваво сценарио на Мицкоски, Ковачки и Таравари така се зголемува и продукцијата на лажни вести, манипулации и конструкции од белиот дворец.
Нервозни се затоа што и покрај сите нивни обиди за дестабилизација и покрај сите провокации и закани, граѓаните им го свртеа грбот и решија државата да продолжи по европскиот пат“, велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа