СДСМ: ВМРО-ДПМНЕ се единствените кои се ситат на несреќи

Венко Филипче депонира оставка од морални причини, но ВМРО-ДПМНЕ нема никакво право да се повикува на морал, а уште помалку пак има образ да го оценува неговото работење, кое го саботираше во секоја можна прилика, велат од владејачката СДСМ.

-Партијата која наместо нов клинички центар го приреди „Скопје 2014“ од позиција на власт, сега како опозиција со сите сили се противи на планот на оваа Влада за изградба на нов универзитетски клинички центар, кој ќе го подигне стандардот и услугите  во македонското здравство. ВМРО-ДПМНЕ никако да сфати дека заврши времето кога политиката доминираше над правото. Заврши времето кога истраги и записници од постапки се диктираа по телефон, се измислуваа сведоци и се злоупотребуваа институциите да прават театри пред јавноста. ВМРО-ДПМНЕ никако да сфати дека помина времето на "црни тефтерчиња" за непослушни обвинители, за неподобни судии, за послушници инспектори и напишани пресуди пред завршени постапки. Помина времето кога кривични пријави се пишуваа со "ало-ало" на релација министер - влада. Тоа време беше кога ВМРО-ДПМНЕ беше и полиција, и обвинител, и судија, и сведок! Само ВМРО-ДПМНЕ може да се сити, на катастрофален пожар и загубени човечки животи, се вели во дописот.

Според СДСМ, политиката на ВМРО-ДПМНЕ е невиден опортунизам, сведена на извлекување корист од кризи, несреќи и свесно деструктивно однесување. Граѓаните, велат, ќе го ценат таквото нивно срамно однесување.