Се ожени „хрватскиот Илон Маск“ : Мате Римац со 30 јагниња и прасиња прослави баш на балкански начин!

Дури 30 јагниња и прасиња се печеа минатата сабота на свадбата на познатиот хрватски и светски претприемач Мате Римац. И покрај тоа што е познат по своите иновативни електрични автомобили, „хрватскиот Илон Маск“ ја прекрши својата вегетаријанска дисциплина и ги налути здруженијата за спас на животните, а подоцна се правдаше дека делот каде што буквално се врти вол од 800 килограми на ражен се случил наредниот ден, јавува Мондо.

„Не е вистина. Свадбата беше во саботата и без месо. Прославата во неделата нема никаква врска со мене и не е свадба. Се расправав за тој бик со разни луѓе, но не можам да им кажам на другите што да прават“, напиша Римац во групата „Веганска заедница“.

Видете го инстаграм-постот на Јутарни лист, во кој се гледа како Римац носи старки стоејќи до неговата жена.

Но, која е среќната девојка која ќе му биде жена на идниот сопственик на „Бугати“? Тоа е Катарина, девојката со која Мате е заедно повеќе од шест години, а се познаваат веќе 15 години. Мате и Катарина не зборувале многу во јавноста за нивниот приватен живот, а првпат биле видени заедно во 2015 година.

Бајага, „Забрањено пушење“ и старките на Мате

Парот го рекол судбоносното „да“ во Вила Далмација во Сплит, а венчавката започнала уште попладнето во четвртокот со не повеќе од 30 гости. Мате Римац наместо свадбарски чевли ги облекол своите старки, а тука биле бендовите „Забрањено пушење“ и Бајага за да ги развеселат гостите.

Исклучително приватниот настан до чии фотографии сепак дојдоа медиумите, ја крена на нозе цела Хрватска и пошироко. Па дури и да прослави на „балкански“ начин, зарем можеме да го осудиме младиот Римац? Од веганската група „Пријатели на животните“ изгледа веќе му простиле, за да не ја расипат убавата атмосфера.

„Почитуван Мате и драга Катарина, игнорирајте ги злонамерните коментари. Ја имате нашата поддршка. Сите ви посакуваме многу среќа, здравје, љубов, радости и незаборавни моменти во вашиот заеднички живот“, напишале подоцна од групата „Пријатели на животните“.

 
 
 
View this post on Instagram

A post shared by Jutarnji.hr (@jutarnji.hr)

27.07.2021 - 22:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега