Аудио плеер за лица со посебни потреби
Аудио плеер кој поддржува транскрипција на аудио книги според содржината и формата, оптимизиран за најпопуларните интернет-пребарувачи и кој лесно може да се интегрира во која било дигитална библиотека е победничкото решение на конкурсот „КулТИП“ - аудио плеер за лица со посебни потреби кое денеска беше претставено во НУБ „Св. Климент Охридски“ - Скопје
-Со плеерот ќе се овозможи полесен пристап до аудио содржините обезбедени од Одделението за слепи и слабовидни лица при НУБ „Св. Климент Охридски“ – Скопје, а наскоро ќе биде интегриран и во Дигиталната библиотека на Македонија, појаснија од Националната универзитетската библиотека
Изворниот код на аудио плеерот е објавен како open source-решение и е јавно достапен на GitHub преку корисничката сметка на НУБ „Св. Климент Охридски“ – Скопје. Исто така, изработена е и посебна веб-страница каде што заинтересираните лица можат да ги разгледаат сите функционалности на аудио-плеерот.
Аудио плеерот е резултат од проектот „Веб базиран аудио плеер за лица со посебни потреби“ со кој НУБ „Св. Климент Охридски“ - Скопје и Стопанската комора за информатички и комуникациски технологии (МАСИТ) учествуваа на конкурсот „КулТИП 2014“ што го организираше Британски совет во соработка со ФИНКИ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа