Полицијата со детали: Утврдено дали мажот пред суд носел експлозив
Од Министерството за внатрешни работи информираат дека по извршеното вештачење утврдено е дека 57-годишниот Е.И. од Арачиново кој вчера беше приведен во близина на Врховниот суд, носел пиротехнички средства (петарди).
– Тој бил приведен затоа што кај него биле пронајдени прачки што наликуваат на експлозивна направа. По вештачењето констатирано е дека се работи за пиротехнички средства (петарди), а исто така утврдено е, со графолошко вештачење, дека тој е автор на анонимно писмо со заканувачка содржина, стои во полицискиот билтен
Од МВР информираат дека по целосно документирање на случајот, против Е.И. ќе биде поднесена соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
