Струмичанец затајувал данок - продавал услуги на Фејсбук, а приходите не ги пријавил во УЈП

Секторот за внатрешни работи Струмица поднесе кривична пријава против 28-годишниот К.Т. од Струмица поради постоење основи на сомнение за сторено кривично дело „даночно затајување“.

Во текот на 2016 година пријавениот преку продажба на услуги преку социјалната мрежа Facebook остварил приход од 1.415.592 денари, кои ги примил преку брз трансфер на пари, но не ги навел во годишната пријава во Управата за јавни приходи на Република Македонија. На тој начин К.Т. извршил затајување на данок во висина од 141.559 денари и за тој износ го оштетил буџетот на Република Македонија.