Нов случај на оштетено возило на македонски државјани во Грција

Граничната полиција евидентираше нов случај на оштетување возила на македонски државјани кои летувале во Грција, со што вкупниот број на оштетени возила за оваа година до сега изнесува пет, соопшти денеска МВР.

На ГП „Богородица“ на 25 јули (сабота) е пријавено оштетување на патничко моторно возило марка „Опел Астра“ со кумановски регистарски ознаки, управувано од лицето С.П. од Куманово. Возилото било оштетено така што е изгребано  од двете страни со повлекување линија од предно лево крило, предна и задна лева врата и задно лево крило, предно десно крило, предна и задна десна врата и задно десно крило. Изгребана е ознаката МКД која била залепена на левата задна страна над штопот. 

Настанот се случил во местото Калитеа и истиот не е пријавен во грчката полиција.