ВМРО-ДПМНЕ: Власта ја дефокусира јавноста од трагедијата во Тетово – подготвена е на сѐ само да не понесе одговорност

Власта на СДСМ и ДУИ на секаков начин сакаат да ја забошотат трагедијата во тетовската модуларна болница во која живи изгореа 14 пациенти и да ја дефокусираат јавноста од оваа тема. Затоа излегуваат наводно бугарски нон -пејпери, затоа се пуштаат аудио материјали, затоа отвораат прашања за кои имале години наназад да ги решат, на крајот затоа Заев дава и анационални и антидржавни изјави со кои ги навредува историјата и идентитетот, велат од опозициската ВМРО-ДПМНЕ.

Според партиајта, оваа власт е подготвена буквално на сѐ, само да не понесе одговорност.

-А причини, поради кои Заев, Филипче, СДСМ и ДУИ треба да понесат одговорност, има многу. Модуларната болница била градена според тендерска постапка на министерството за здравство, со спецификација за материјали, кои видовме како изгореа за неколку минути. Ниту имало апарати за гаснење пожар, ниту имало систем за рана детекција, ниту пак имало надзор на изградбата на објектот. Фактот што Филипче и другите одговорни не понесуваат морална одговорност и оставки остава огромен сомнеж дека тие по секоја цена се задржуваат на функција за да може да прикријат нешто или да влијаат врз истрагата. Тие може да бегаат, но нема да избегаат. Правдата и одговорноста ќе стаса, велат од ВМРО-ДПМНЕ.

 

24.09.2021 - 09:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега